DIRECTORATE OF PRESIDENTIAL COMMUNICATIONS

UNITED REPUBLIC OF TANZANIA

Telephone: 255-22-2114512, 2116898 E-mail: press@ikulu.go.tz Fax: 255-22-2113425

PRESIDENT’S OFFICE, THE STATE HOUSE, P.O. BOX 9120, DAR ES SALAAM. Tanzania.

TAARIFA KWA VYOMBO VYA HABARI

Rais Jakaya Mrisho Kikwete leo, Jumanne, Machi 3, 2009, ameagana na Balozi wa Hispania nchini, German Zurita Saenz De Navarrete, ambaye amemaliza muda wake wa uwakilishi katika Tanzania.

Katika mkutano huo uliofanyika Ikulu, Dar es Salaam, Rais Kikwete amemshukuru balozi huyo kwa kuongeza kiwango cha ushirikiano kati ya nchi hizo mbili wakati wa kipindi chake cha uwakilishi. Balozi huyo aliwasili nchini Machi 19, mwaka 2006.

Rais pia ameishukuru Hispania kwa misaada yake katika sekta ya umeme vijijini na kuongeza kuwa misaada hiyo imechangia katika maendeleo ya Tanzania.

Rais pia amesema kuwa pamoja na kwamba uhusiano kati ya Tanzania na Hispania umeimarika zaidi wakati wa uwakilishi wa Balozi Navarrete bado kuna umuhimu wa nchi hizo mbili kubadilisha ziara zaidi za viongozi na maofisa waandamizi mbali mbali.

Imetolewa na:

Kurugenzi ya Mawasiliano ya Rais,

Ikulu,

DAR ES SALAAM.

03 Machi, 2009