Watu wote wanaokusudia kuishi katika Jamhuri ya Muungano wa Tanzania kwa biashara au kazi au madhumuni mengine yoyote yanayokubaliwa wanapewa vibali vya ukazi. Kibali cha daraja B kinakusudiwa kwa waombaji wenye sifa adimu au stadi, hasa kwenye kazi ya teknolojjia ya juu sana; ambazo wataalam wake hawapatikani kwa urahisi katika soko la ajira la hapa nchini.
Masharti:
Barua ya maelezo ya ziada inayoambatishwa au barua ya ajira.
Picha tano, wasifu, sifa ya elimu na maelezo ya majukumu ya kazi.
Muundo wa kampuni.
Barua ya ruhusa kutoka Serikalini.
Vyeti vya wanachama au ruhusa kutoka taasisi za kitaaluma za nchini kwa ajili mya kupima na kufuatilia uadilifu wa kitaaluma wa wataalamu wa kigeni.
Nakala za kurasa za pasipoti.
Uthibitisho (nakala) za matangazo ya nafasi za kazi pamoja na wasifu wa Mtanzania mbadala.
Wasilisha fomu kwa Kamishna wa kazi kwa ajili ya mapendekezo.
Mapendekezo yataambatishwa kwenye fomu na kupelekwa kwa mkurugenzi wa uhamiaji kwa hatua zaidi.
Kamishna wa kazi anapitia maombi na kutoa mapendekezo ya kukubali au kukataa kwa idara ya uhamiaji.
Pata kibali cha Daraja B.
Zingatia:
Wageni wanaokusudia kufanya baadhi ya kazi za muda mfupi wataweza kusamehewa masharti ya kupata mapendekezo ya Kamishna wa kazi mfano ni pamoja na wasanii, waburudishaji, waandishi wa habari, wawindaji nk. Vibali vya muda mfupi huamuliwa na Mkurugenzi wa Uhamiaji.
Chanzo: Kamati ya Taarifa za Tovuti Kuu ya Serikali, Taarifa hizi Zilirekebishwa: 20-11-2015
